Tsy naneho hatsaram-bika fotsiny fa nampiakatra avo ny hajan’ny vehivavy ihany koa ny « Miss Donia » sy ireo lefiny.
Niezaka nisarika ny maso sy ny sofina, tamin’ny alalan’ny dihy sy ny fomba fitafy mifanaraka tamin’ny gadona voiziny i Arnaah.
Tsy nampoizina ny fandalovan’ny « Fanfare Byin Mayé » avy atsy La Réunion, izay vao mainka nanome loko hafa ny hetsika ! Avy nandray anjara tamin’ny « Zegny ‘Zo » tany Antsiranana izy ireo.
Tsy mozika ihany, fa nisy fifaninanana ara-panatanjahantena ihany koa ny « Donia ». Ankoatra ny fifaninanana môtô, moraingy, sns, anisan’ireo notolorana loka ny tompondaka tamin’ny tsipy kanetibe.