Tsy avelan’ny Ortalma, Ofisim-paritry ny fizahantany Alaotra Mangoro, handalo fotsiny ny fandalovan’ny fanakonan’ny volana ny masoandro eto amintsika, ny 1 septambra ho avy izao. Anisan’ny hahita azy mazava tsara izany ny ao Andilana Atsimo- Anosivola, distrikan’ Amparafaravola, faritra Alaotra Mangoro. Vokany, hisy ny hetsika ara-pizahantany manomboka avy eo Amparafaravola ka hatrany Tanambe, toy ny hazakazaka amin’ny alalan’ny cubota, omby sarety, moto, dihy nentim-pahazana sy fanaovana tranoheva hampirantiana ny asa tanana. Eo ny fampahafantarana ny kolontsaina bakozetra, hetsika ara-kolontsaina izay hiantomboka ny 30 aogositra ka tsy hifarana raha tsy 2 septambra.
Sajo