Tao anatin’ny andro maromaro no efa nahafantarana fa hifanandrina etsy amin’ny Kianjan’ny Kanto Mahamasina ny tarika Dadalora avy any Manalalondo sy Rapolison Mandiavato. Raha ny vaovao nampitaina, nofoanana io adin-kiragasy hifandonan’ny samy ngeza io noho ny tsy fahazoana ity kianja ity. Mampanantena anefa ny mpikarakara fa hotanterahina amin’ny andro manaraka ito adin-kiragasy hifanandrinan’ny tarika Dadalora sy Rapolison ito.
Taratra ao anatin’ny tranga tahaka izao ilay tsy fahampian’ny kianja ahafahana manao hiragasy eto an-dRenivohitra. Na efa ela aza ny nangatahin’ny mpanao hiragasy sy ny mpankafy hiragasy ny hanamaroana ny kianja hampivelarana ity zavakanto malagasy ity, tsy mbola nisy valiny mazava izany hatramin’izao.
Nangonin’i HaRy Razafindrakoto