Tsy vaovao amin’ny sofin’ny mpankafy jazz intsony ny hetsika « Walking jazz ». Amin’ity indray mitoraka ity kosa, hiova toerana kely izany ary horaisin’ny Canela etsy Antsahavola. Hiavaka amin’ny mahazatra ny fotoana, satria mpanakanto tanora dia tanora nefa samy efa manana ny maha izy azy no hanafana ny hetsika.
Tsy iza izany fa ny Hammond & Aponga, miaraka amin’i Stella. Araka izany, manolotra kanto vaovaobe ny « Walking jazz » sy ny Canela. Na izany aza, araka ny maha kaonseritra jazz azy, tsy mivaona amin’io tontolona mozika iray io ny hetsika. Marihina fa efa tonga amin’ny andiany faha-25 ny hetsika « Walking jazz ».
Tsara ny mampahafantatra fa toeram-pisakafoana, « bar lounge » sady fialamboly manana ny mampiavaka azy ny Canela etsy Antsahavola. Manohana ny kolontsaina sy ny zavakanto izy. Ankoatra ity « Walking jazz » ity, ohatra, efa nampiantrano fampirantiana hosodoko ihany koa izy.
Ankoatra izany, eo amin’ny sakafo sy ny fialamboly, isaky ny alahady, manolotra « brunch » sy sakafo « barbecue » ny Canela. Eo koa ny tolotra manokana « afterwork ».
Landy R.