Samy niezaka nampisongadina azy nanoloana ny mpitsara izy 16 mirahavavy. Ny handrombaka ny anaram-boninahitra « Miss Madagascar 2017 » no tanjona niraisan’ny tsirairay tetsy amin’ny Carlton Anosy…
Voafidy ho « Miss Madagascar » taona 2017 i Njara Windye Harris, mpifaninana avy any amin’ny Faritr’i Diana. 22 taona ny tovovavy. Mirefy 1m73. Efa miasa (assistante commerciale) amina orinasa iray any Nosy Be. Na izany aza, manohy ny fianarana momba ny serasera ihany koa i Njara Windye Harris. Ankoatra ireo, efa nitondra ny anjara birikiny teo anivon’ny fiarahamonina ihany koa ity « Miss Madagascar » 2017 ity noho izy mpikambana ao amin’ny « Jeune chambre internationale ». Voafidy ho 1ère Dauphine i Tirindraza Noeltinah (18 taona, Miss Androy), 2 ème Dauphine kosa i Randriamananjara Faniloniaina (20 taona, Miss Bongolava). Nitsara ny fifaninanana, i Ginat Vidot avy amin’ny « Comité Miss Madagascar ». Holy Danielle (mpanao gazety), Firmin (mpanakanto), Mialy Andrianina (poety) ary Atoa Swaraj Seebaluck (Directeur d’agence Air Austral). Marihina fa nahitana fihodinana roa ny fifanintsanana.
HaRy Razafindrakoto