Ny asabotsy teo, avy nanatanteraka fampisehoana tany Mahajanga i Jirah… Nihazo an’Antananarivo tamin’ny alalan’ny fiaramanidina. Noho ny tsy fahatomombanana teknika, nanana olana tamin’ny fipetrahana teny amin’ny seranam-piaramanidina iraisampirenena Ivato io fiaramanidina nandehanan’ity mpanakanto manana ny maha izy azy ity. Raha ny vaovao azo, ny tanany havia no voadona noho ny filatsahan’ny entana.
Tokony hanainga ho any Taolagnaro hanafana ny lanonan’ny faran’ny taona i Jirah amin’ny talata izao. Vokatr’ilay hatairana noho io zavatra niseho tamin’ny asabotsy io anefa, tsy mety mandeha fiaramanidina intsony izy fa mihevitra ny handeha fiara.
Hamoaka hira vaovao i Jirah ato ho ato. Hitohy ny taona 2016 izany famoahany sanganasa vaovao izany.
Nanangona : HaRy Razafindrakoto
Cet article Mpanakanto : nieren-doza i Jirah est apparu en premier sur NewsMada.