Namoaka ny voka-kantony voalohany i Lalaina sy Nathalie. « Deraina Jesosy », kapila mangirana mirakitra hira 10. Tafiditra ao anatin’ity sanganasa vaovao ity ireo hira tsy afaka am-bavan’ny olona maro, toy ny « Mamirapiratra », « Fanahy Masina », « Deraina Jesosy », sns. Misandrahaka amina gadona maro ireo hira voarakitra ao anatin’ny « Deraina Jesosy ». Ao ny milamina fa tsy vitsy koa ny mihetsiketsika. Na izany aza, notazonin’izy mirahavavy hatrany ilay asa fitoriana amin’ny alalan’ny talenta nomen’Andriamanitra azy ireo ka ao anatin’ny fahatsorana no hanaovana izany. Notazonin’ny mpamoronkira sy ny mpandrindra ihany koa ilay tononkira mafonja sy feon-kira mifanaraka amin’izany… Sady mora raisin’ny sofina no mamelombelona ny fanahy.
Ankoatra ilay feomanga, afaka manakatra feo avo ireto taninketsan’ny hira evanjelika ireto. Anisan’ny mamorona ny hiran’izy ireo i Remby. Nanao ny fandrindrana i Alinera Michel.
Nanangona : HaRy Razafindrakoto
Cet article Rakikira evanjelika : namoaka ny « Deraina Jesosy » i Lalaina sy Nathalie est apparu en premier sur NewsMada.