Andiam-pampisehoana miavaka ny “Rock & Folk”. Ny antony, hitan’i Nini (Kiaka), Mahery (Johary) ary i Poun (Green) ny tena handrasan’ireo mpankafy, hany ka fahombiazana foana ny fiarahana. Fantatra fa mitohy hatrany, ary ho entina etsy amin’ny Amitié Fandian Ankadindramamy indray ny “Rock & Folk” ny alin”ny zoma 4 novambra izao, manomboka amin’ny 9 ora alina.
Araka ny anarany, mazava loatra fa hibahana ny vazo an-gitara. Eo amin’ny filalaovana azy kosa no hiavaka, satria hifangaro ao ny maivamaivana sy ny mavesatra kokoa. Hanao ny hiran’ny tarika misy azy avy ihany ry zalahy, saingy ny famerenana ireo hiran’olon-kafa ihany koa no tena mampisongadina ny fiarahana. Misy amin’ireny no hira nanamarika ny taona 80, izay mbola maro mpankafy amin’izao fotoana izao.
Zo ny Aina